تقدر تعيش من غير حب؟, سؤال محيرنا كلنا

عايز اسأل النهاردة سؤال يمكن مباشر شوية بس مسألناش نفسنا قبل كدة فعلا السؤال ده....

هو احنا نقدر نعيش من غير حب؟
هو احنا محتاجين للحب؟
حياتنا فعلا مالهاش طعم من غير الحب؟

انا جاي اسأل السؤال ده عشان شفت ناس كتيرة بتشتكي من الحب
و سمعت كتير من ناس كلام زي

اول ما حبيتها حسيت كأني عايش في الجنة و معرفش ليه بعد كدة اتغيرت من ملاك لشيطان ما سابليش غير نار
عشت احلي ايام حياتي من يوم ما حبيته بس بعد كدة خلاني بجد اكره اليوم اللي عرفته فيه..

طب لما الحب هو سبب عذابنا بالشكل ده و سبب حيرة كل واحد فينا ليه بنحب
ومش بنتعلم و نسيب قلوبنا لهواها

انا مش عايز حد يقوللي اني متشائم او حاجة و ان مش كل الحب بيجرح وان لسة فيه ناس بتحب بجد
انا عارف كل ده بس بتكلم علي الغالبية
و بعدين للأسف الناس اللي بتحب بجد دي مش بيبقوا لبعض
بيبقوا لناس تانية كل همها في الدنيا انها تدور علي جرح قلوب الطيبين

في الاخر انا بسال تاني هو الحب لسة مهم ؟ ولازم ندور عليه ؟
ولا احنا ممكن نقدر نعيش من غيره ؟ و مش لازم نلاقيه؟